ВАХШ. Ба истиқболи сазовори ҷашни 30-солагии Истиқлолияти давлатӣ. Ҷиҳати вусъати корҳои созандагиву бунёдкорӣ бахшида ба ҷашни 30-солагии Истиқлолияти давлатии Ҷумҳурии Тоҷикистон дар ташкилоти ибтидоии ҳизбии «Меҳробод» дар доираи Аксияи ҳизбӣ таҳти унвони «Якҷоя ҳал мекунем!» роҳҳои маҳалла сангфарш карда шуд.
Инчунин, дар корҳои амалӣ раиси Кумитаи иҷроияи ноҳиявӣ Одилҷон Маҳмадов қайд кард, ки аз ҷониби Пешвои миллат муҳтарам Эмомалӣ Раҳмон эълон кардани Солҳои рушди деҳот, сайёҳӣ ва ҳунарҳои мардумӣ 2019-2021 ҳамчун такондиҳандаи рушди маҳали ҳар яки мо ба ҳисоб меравад. Моро мебояд, ки аз ғамхориҳои Пешвои миллат истифода намуда, баҳри пешрафти Ватани азизи худ каме ҳам бошад саҳми арзандаи худро гузорем.
