КӮЛОБ. Дар доираи Соли баланд бардоштани масъулияти шаҳрвандӣ. Дар ташкилоти ибтидоии ҳизбии “Ҷамоати Кӯлоб” вобаста ба самтҳои афзалиятноки фаъолияти ҳизбӣ вохӯрӣ баргузор гардид.
Зимни мулоқот масъулини ҳизбӣ қайд доштанд, ки Кумитаи иҷроияи шаҳрии ҳизб дар деҳаю маҳаллаҳо ва ташкилоту муассисаҳо барои мафкураи носолим мубориза бурдан ва онро аз мағзи ҷомеа берун сохтан нишасту мулоқотҳо доир намуда истодааст. Чунин нишастҳо дар ростои эълон шудани “Соли баланд бардоштани масъулияти шаҳрвандӣ” барои сохторҳои ҳизбии вилоят имконият медиҳанд, ки дар ҷомеа андешаи солиму тафаккури созандаро ташаккул дода, дар қадами навбатӣ ин мафкураи созандаро барои амалӣ намудани ҳадафҳои неку созандаи давлату Ҳукумат равона намоем.
