ҚУБОДИЁН. Дар доираи Соли баланд бардоштани масъулияти шаҳрвандӣ. Дар ташкилоти ибтидоии “Саъди Шерозӣ”-и деҳаи Қиёти ҷамоати деҳоти ба номи Носири Хусрави ноҳия хониши сиёсӣ баргузор гардид.
Зимнан Абдуллоев Ваҳобиддин намояндаи Кумитаи иҷроияи ноҳиявии ҳизб дар баромади хеш аз мулоқоти Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон бо аҳли ҷомеаи кишвар ёдовар шуда, изҳор дошт, ки баҳри амалӣ намудани дастуру супоришҳои додашуда мо бояд сарҷамъона ва бо дилу нияти нек ба ояндаи дурахшон кӯшиш намоем, дар корҳои ободонию созандагӣ баҳри ободии Ватани биҳиштосои худ фаъолона иштирок карда, ҷашни 30-солагии Истиқлолияти давлатиро бо дастовардҳои назаррас таҷлил намоем.
