КУШОНИЁН. Дар доираи Соли баланд бардоштани масъулияти шаҳрвандӣ. Дар ташкилоти ибтидоии “Заргар”-и ноҳия оид ба самтҳои афзалиятноки фаъолияти ҲХДТ вохӯрии судманд гузаронида шуд.
Дар вохӯрӣ масъулин доир ба нақшу мақоми ҳизби пешбар дар таҳкими Истиқлолият ва барқарориву ҳифзи сулҳу осоиштагӣ инчунин, рушди иқтисодиву иҷтимоӣ ва ташаккули маънавиёти мардум суханронӣ намуданд.
Масъулин қайд карданд, ки аъзову ҷонибдорони ҳизб бояд дар ҳифзи ин дастоварди муҳими миллат ҳиссагузор бошанд. Барномаву ҳадафҳои ҲХДТ ҳамин рисолатро ифода мекунад, аз ин рӯ, даъват ба амал оварда шуд, ки дар татбиқи ғояҳои созандаи ҳизбӣ софдилона ва пурмасъул меҳнат намоянд.
