ФАРХОР. Ба истиқболи сазовори ҷашни 30-солагии Истиқлолияти давлатӣ. Бо мақсади сазовор истиқбол намудани ҷашни 30-солагии Истиқлолияти давлатӣ дар ташкилоти ибтидоии “Фирӯз”-и ҷамоати деҳоти 20-солагии Истиқлолияти Тоҷикистон дар доираи Аксияи тарғиботӣ- амалии ҳизбӣ таҳти унвони “Якҷоя ҳал мекунем!” кормандони масъули Кумитаи иҷроияи ҲХДТ дар ноҳия бо аъзо ва ҷонибдорони ҳизб корҳои ободониро роҳандозӣ намуданд.
Дар ин рӯз дар маҳаллаи Фирӯз, ки қаблан новаҳои бетонӣ шинонида ва сангфарш шуда буданд, боз як қубури обгузар гузоштанд ва деворҳои қад-қади роҳро рангубор карда, гулҳои ороишӣ шинониданд.
