Ҷ.БАЛХӢ. Дар доираи “Соли баланд бардоштани масъулияти шаҳрвандӣ”. Бо иштироки раиси Кумитаи иҷроияи ҲХДТ дар вилояти Хатлон Раҳмонзода Абдулло Қурбоналӣ, муовини раиси ноҳияи Ҷ.Балхӣ Абдусаломзода Анзурат ва раиси КИ ҲХДТ дар ноҳия Абдулҳаев Маҳмадсаид дар толори мақомоти иҷроияи маҳаллии ҳокимияти давлатии ноҳия бо раисони ташкилотҳои ибтидоии корхонаву муассиса ва деҳаю маҳаллаҳои ҳизбии ноҳия, имомхатибони масҷитҳои панҷвақтаву ҷомеъи, фаъолони ҳизб ва вакилони маҷлиси вакилони халқи ноҳияи Ҷалолиддини Балхӣ семинар машварати ҳизбӣ баргузор гардид.
Дар кори он масъулин оид ба вазифаҳои аввалиндараҷаи вакилон, фаъолон, аъзо ва ҷонибдорони ҳизб, инчунин имомхатибону кормандони масъули ҳизб маълумоти муфассал дода, ҷиҳати иҷрои босифату саривақтии дастуру супоришҳои роҳбарияти давлат ва сохторҳои болои ҳизб даъват бар амал оварда шуд.
