БОХТАР. Дар ростои Соли баланд бардоштани масъулияти шаҳрвандӣ. Бо ташаббуси Кумитаи иҷроияи шаҳрии ҳизб дар ташкилоти ибтидоии «МНДСЭ-и вилоят» миёни занону бонувон озмуни ҳизбӣ таҳти унвони «Зан кадбонуи беҳтарин» доир карда шуд.
Дар чорабинии мазкур масъулин барои дастгирӣ ва дар сатҳи баланди сиёсӣ-фарҳангӣ баргузор намудани озмуни ҳизбӣ изҳори сипос карда, иброз доштанд, ки ҲХДТ ҳамеша ба арзишҳои миллӣ ва фарҳангии халқи тоҷик арҷ мегузорад.
Дар охир аъзои ҳакамон аз намоиши ҳунарҳои мардумӣ ва таомҳои миллӣ, ки бонувони хушзавқу ҳунарманд омода карда буданд, дидан када, ба ҳунару маҳорати гурӯҳҳо баҳои баланд доданд. Озмуни ҳизбӣ ҷамъбаст шуда, ғолибон бо Сипосномаҳои ҳизбӣ сарфароз гардонида шуданд.
