КУШОНИЁН. Дар ростои Соли баланд бардоштани масъулияти шаҳрвандӣ. Кормандони масъули Кмитаи иҷроияи ҲХДТ дар ноҳияи Кушониён дар деҳаи Ширишноҳ Шоҳтемури ҷамоати деҳоти Бохтариёни ноҳия бо сокинон вохӯрӣ баргузор намуданд.
Муҳтавои асосии вохӯрӣ пешгирии шомилшавии ҷавонон ба ҳизбу ҳаракатҳои террористиву экстремистӣ буда, масъулини ҳизбӣ қайд намуданд, ки дар шароити пуртаззоди имрӯза ин зуҳурот ба амнияти ҷомеа ва давлат таъсири манфӣ мерасонад. Мутаассифона, баъзе ҷавонони ноогоҳ ба ин гуна ҳаракату гурӯҳҳои иртиҷоӣ шомил шуда, ҳаёти худу ҷомеаро ба хатар мегузоранд. Ҳамчунин қайд намуданд, ки ҷавонони сарбаланди диёрро зарур аст, ки пайрави некон буда, бо шукргузорӣ аз амну суботи кишвар ҳаёти ободу осударо ихтиёр кунанд.
