КӮЛОБ. Дар ростои Соли баланд бардоштани масъулияти шаҳрвандӣ. Бо ҷонибдорӣ аз сиёсати хайрхоҳонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аъзо ва ҷонибдорони ҲХДТ дар шаҳри Кӯлоб ва дигар шахсони саховатпеша ба ятимону маъюбон, муҳтоҷону оилаҳои ниёзманд ва шахсони бесаробонмонда дар доираи Аксияи ҳизбӣ таҳти унвони “Якҷоя ҳал мекунем!” амалҳои хайрхоҳонаро роҳандозӣ карда истодаанд.
Чунин амали хайрхоҳона зимни аксияи ҳизбӣ дар деҳаи Лағмони ҷамоати деҳоти Кӯлоб ба як оилаи камбизоат маводи хӯрока кӯмак расонида шуд.
Хотирнишон менамоем, ки чунин амалҳои хайрхоҳона мавсими набуда, пайваста аз ҷониби ҳизбиёни шаҳри Кӯлоб амалӣ мешаванд.
