ҚУБОДИЁН. ДАР РОСТОИ СОЛИ БАЛАНД БАРДОШТАНИ МАСЪ
УЛИЯТИ ШАҲРВАНДӢ. Дар ташкилоти ибтидоии ҳизбии “Рӯдакӣ”-и деҳаи Рудақули ҷамоати деҳоти Заркамар бо иштироки кормандони масъули Кумитаи иҷроияи ноҳиявии ҲХДТ хониши сиёсӣ дар мавзӯъи “Ҳимояи марзи Ватан вазифаи ҷавонмардист” хониши сиёсӣ баргузор гардид.
Зимни суханронӣ масъулин зикр намуданд, ки тақдири миллат, ободиву осудагӣ ва ҳифзи марзу бум аз ҳар як сокини кишвар вобастагии калон дошта, ватандӯстӣ аз ҳифзи марзи Ватан оғоз мегардад. Яке аз рукнҳои муҳимтарини давлатдорӣ ва сипари боэътимоди ҳар як давлати соҳибистиқлол Қувваҳои мусаллаҳи он мебошад. Ҳар як ҷавони ба синни даъват расида бояд донад, ки адои хизмат дар сафи Қувваҳои Мусаллаҳи Тоҷикистон қарзи фарзандӣ ва имониву виҷдонии ҷавонмарди банангу номус буда, барои хизмат дар қисмҳои низомӣ тамоми шароитҳои моддиву маишӣ фароҳам оварда шудааст. Иҷрои ин қарз нишонаи камолоти инсонии ҳар як ҷавон мебошад.
