БОХТАР. ДАР РОСТОИ СОЛИ БАЛАНД БАРДОШТАНИ МАСЪУЛИЯТИ ШАҲРВАНДӢ
Дар ташкилоти ибтидоии ҳизбӣ «Молияи вилоят» вохӯрии ҳизбӣ доир гардид.
Дар вохӯрии мазкур раиси Кумитаи иҷроияи ҲХДТ дар шаҳри Бохтар доир ба Паёми Президенти Ҷумҳурии Тоҷикистон ба Маҷлиси Олии мамлакат, ҳадафҳои барномавии ҲХДТ, самтҳои афзалиятноки фаъолияти он, дастгирии қишрҳои ниёзманди ҷомеа, сиёсати давлатӣ дар самти мубориза бо коррупсия ва дигар мавзӯъҳои мубрами рӯз суханронӣ карда, зикр намуд, ки коррупсия яке аз хатарҳои ҷаҳони мусоир буда, зарари худро ба ҳар як шахси ҷомеа мерасонад ва пешгирии ин амали номатлуб вазифаи ҳамаи мо мебошад. Яке аз самтҳои асосии фаъолияти ҲХДТ муайян намудани вазифаҳои шаҳрвандон дар самти мубориза бар зидди коррупсия бо роҳи ташаккули мафкураи зиддикоррупсионӣ дар онҳо мебошад, - таъкид намуд Наҷидуллоев Тавакал зимни баромади худ ба иштирокдорон.
