БОХТАР. Дар ташкилоти ибтидоии ҳизбии «Назорати фармасевтӣ» тибқи нақшаи вохӯриҳои Кумитаи иҷроияи ҲХДТ дар шаҳри Бохтар вохӯрӣ доир гардид.
Дар вохӯрии мазкур раиси Кумитаи иҷроияи ҲХДТ дар шаҳри Бохтар Наҷидуллоев Тавакал, мудири шуъбаи таблиғот, иттлоот ва матбуоти Кумитаи иҷроияи ҲХДТ дар шаҳр Шукрона Нуруллозода иштирок дошта, доир ба Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ, сиёсати давлат дар соҳаи тибб, тарбияи дурусти насли наврас ва ҷавонон, мубориза бо терроризм ва экстремизм, омодагӣ ба таҷлили санаҳои фархундаи давлативу миллӣ баромад карда, зикр намуданд, ки соҳаи тандурустӣ махсусан дорусозӣ дар мадди назари Президенти Ҷумҳурии Тоҷикистон муҳтарам Эмомалӣ Раҳмон қарор дорад. Яке аз масъалаҳое, ки Раиси муаззами ҲХДТ муҳтарам Эмомалӣ Раҳмон дар Паёми навбатии худ таъкид сохтанд, ин баланд бардоштани сифати хизматрасониҳо дар муассисаҳои тиббии кишвар мебошад.
