БОХТАР.Тибқи нақшаи тасдиқгардидаи Кумитаи иҷроияи ҲХДТ дар шаҳри Бохтар оид ба самтҳои афзалиятноки фаъолияти ҲХДТ дар доираи Соли баланд бардоштани масъулияти шаҳрвандӣ дар ташкилоти ибтидоии ҳизбии «Шуғли аҳолии шаҳр» вохӯрӣ доир гардид.
Дар вохӯрии мазкур раиси Кумитаи иҷроияи ҲХДТ дар шаҳри Бохтар Наҷидуллоев Тавакал иштирок дошта, оид ба Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ, дар ҷаласаи ҷамъбастии Кумитаи иҷроияи Марказии ҲХДТ, ҳадафҳои барномавии ҲХДТ, сиёсати давлатии Тоҷикистон доир ба шуғли аҳолии Тоҷикистон ибрози андеша карда, қайд намуд, ки Перзиденти Ҷумҳурии Тоҷикистон дар ҳар суханрониҳояшон таъкид месозанд, ки бо ҷойи кор таъмин намудани мардуми кишвар яке аз ҳадафҳои асосии давлату Ҳукумати Тоҷикистон мебошад.
