ҲАМАДОНӢ.Дар ташкилоти ибтидоии ҳизбии «Иқбол»-и чамоати деҳоти ба номи Саидқул Турдиев бо аъзо ва ҷонибдорони ҲХДТ хониши сиёсӣ бо иштироки кормандони масъули Кумитаи иҷроияи ҲХДТ дар ноҳия гузаронида шуд.
Зимни баромад мутахассиси шуъбаи таблиғот, иттилоот ва матбуоти Кумитаи иҷроияи ҲХДТ дар ноҳия Фирӯз Пиров оид ба Паёми Пешвои миллат, Президенти кишвар муҳтарам Эмомалӣ Раҳмон ба Маҷлиси Олии Ҷумҳурии Тоҷикистон суханронӣ карда, қайд намуд, ки соли 2019-2021 Солҳои рушди деҳот, сайёҳӣ ва ҳунарҳои мардумӣ эълон гардидааст. Дар ин росто корҳои созандагиву бунёдкорӣ ба муносибати сазовор пешвоз гирифтани 30-солагии Истиқлолияти давлатии Ҷумҳурии Тоҷикистон дар тамоми гӯшаву канори Ватани азизамон бомаром идома дорад. Дар доираи Аксияи тарғиботӣ-амалии ҳизбӣ таҳти унвони «Якҷоя ҳал мекунем!» сокинон ба тахту ҳамвор кардани роҳҳо ва ҷӯйбортозакунӣ машғул гардиданд.
