ШАҲРИТУЗ.Тибқи нақшаи тасдиқгардидаи Кумитаи иҷроияи ҲХДТ дар ноҳияи Шаҳритуз дар деҳаи Истиқлоли ҷамоати деҳоти ба номи Худойназар Холматови ноҳияи Шаҳритуз бо сокинони деҳаи Истиқлол хониши сиёсӣ гузаронида шуд.
Дар хониши сиёсӣ раиси Кумитаи иҷроияи ҲҲХДТ дар ноҳия Шаропов Ҳомидҷон, муовини раиси Кумитаи иҷроия Ачилдиев Турдимуродиштирок дошта, оид ба нуктаҳои асосии муҳтавои Паёми Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, самтҳои афзалиятноки фаъолияти ҳизб, аз ҷумла пешгирии шомилшавии ҷавонон ба ҳизбу ҳаракатҳои террористӣ ва экстремистӣ, тарғиби тарзи ҳаёти солим, пешгирӣ аз бемориҳои сироятӣ, рушди касбу ҳунарҳои мардумӣ дар маҳал, ҷалби шахсони бекор ба ҳунармандиву эҷодкорӣ аз ин ҳисоб паст кардани шиддати бекорӣ ва баланд бардоштани сатҳи некӯаҳволии мардум андешаронӣ намуда, ҷамъомадагонро ба корҳои созандагиву бунёдкорӣ даъват карданд.
