ШАҲРИТУЗ.Тибқи ҷадвали тасдиқгардидаи Кумитаи иҷроияи ҲХДТ дар ноҳияи Шаҳритуз ҷиҳати татбиқи самтҳои афзалиятноки фаъолияти ҲХДТ ва қисмати амалии Аксияи тарғиботӣ-амалии ҳизбӣ таҳти унвони «Якҷоя ҳал мекунем!» дар деҳаи Эргашободи ҷамоати деҳоти ба номи Худойназар Холматови ноҳияи Шаҳритуз вохӯрӣ баргузор гардид.
Дар вохӯрӣ раиси Кумитаи иҷроияи ноҳиявии ҳизб Шаропов Ҳомидҷон иштирок дошта, дар бораи Паёми Пешвои миллат, Президенти кишвар муҳтарам Эмомалӣ Раҳмон ба Маҷлиси Олӣ, самтҳои афзалиятноки фаъолияти ҲХДТ андешаронӣ намуд.
Баъдан Аксияи тарғиботӣ-амалии ҳизбӣ таҳти унвони “Якҷоя ҳал мекунем!” роҳандозӣ карда шуда, сокинон қисмҳои вайронишудаи роҳҳои деҳаро сангфарш намуда, дарахтони ороишӣ ва ҳамешасабзро шинониданд, ки ба ҳусни деҳа ҳусни нав зам намуданд.
