Ҷ.БАЛХӢ. Мутобиқи ҷадвали баргузории мулоқоту вохӯриҳо дар нимсолаи аввали соли 2019 дар ташкилоти ибтидоӣ ҳизбии Ҷамоати шаҳраки Гулистони ноҳияи Ҷалолиддини Балхӣ бо кормандони масъули ташкилоти ибтидоӣ вохӯрӣ баргузор гардид.
Дар вохӯрӣ мудири шӯъбаи кор бо занони Кумитаи иҷроияи ҲХДТ дар ноҳия Сулаймонова Лола иштирок дошта, оид ба самтҳои афзалиятноки фаъолияти ҲХДТ, фаҳмондани моҳияти қонунҳои миллӣ ва дар ин замина дуруст сафарбар кардани корҳои хайру сахо ба хотири рушди иқтисодиву иҷтимоӣ ва маънавию фарҳангии ҷомеа суханронӣ намуд.
Баъд аз вохӯрӣ аз ҷониби аъзои фаъоли ҲХДТ, соҳибкор Кабиров Салим бо маблағи 3000 (се ҳазор) сомонӣ ба маъюби гурӯҳи якум Шакирова Манзура аробачаи маъюбӣ тақдим карда шуд.
