ВОКУНИШ.Имрӯзҳо хоинони давлату миллат нақшаҳои бадхоҳонаи худро обу ранги дигар дода гумон доранд , ки ин нақшаҳои бадхоҳонаи онҳо аз ҷониби мардум дастгирӣ меёбаду амволи касифонаи солҳои 90-уми асри гузашта содирнамудаи худро боз такрор менамоянд. Хушбахтона мардуми шарифи Тоҷикистон ин нияти бади онҳоро фаҳмида, бар зидди онҳо муборизаи беамон бурда истодаанд, зеро ҷиноятҳои зидиинсонӣ ва зиддимилии ин ташкилоти террористӣ сабаби ҷанги шаҳрвандӣ гардида, боиси марги садҳо ҳазор шаҳрвандони кишвар мебошад ва ҳеҷ фаромӯш нахоҳанд кард.
Пас аз созишномаи сулҳ ва ризоияти миллӣ ташкилоти террористӣ аз ғаразу нақшаҳои бадхоҳонаи худ даст накашида, аз озодиву имконоте, ки дар заминаи ин созишнома ба даст оварда буданд, истифода карда ба терору куштор машғул шуда, кӯшиш намуд, ки ҷомеаро сахт мазҳабиву хурофотӣ ва таасубзада намояд. Афкори пучу бемағзи ин ҳизби террористӣ зеҳни ҳазорон ҷавонони ноогоҳу камтаҷрибаро мағзшӯи намуда, сабаби ба гурӯҳхои террористӣ пайваст шудани онҳо гардид.
Саркардагони ҷиноятпешаи ташкилоти террористии ТТЭ ҲНИ, ки имрӯзҳо дар хориҷи кишвар паноҳ мебаранд, дар мубоҳисаю баромадҳои худ дар ВАО ва шабакаҳои иҷтимоӣ бо нақзи созишномаи сулҳ ва ризоияти миллӣ ҳокимияти феълиро гунаҳкор менамоянд. Ҳол он ки аксарияти қонуншиканиҳо ва ноором сохтани вазъи ҷомеа аз ҷониби аъзо ва раёсати ТТЭ ҲНИ коргардонӣ шудааст. Аз ин рӯ, дар поймол кардани принсипҳои созишномаи сулҳ низ маҳз аз ҷониби худи ин ташкилоти террористӣ роҳандозӣ мегардид. Равшантарин далели он Абдуҳалим Назарзода аст, ки бо дастури ТТЭ ҲНИ даст ба силоҳ бурд ва боиси куштору хунрезӣ гардид. Роҳбарияти фирории ТТЭ ҲНИ дар хориҷи кишвар аз дини мубини ислом сӯистифода карда, бо дастгирии хоҷагони хориҷиашон аз худ чеҳраҳои сиёсии мушкилосонкун вонамуд менамоянд. Вале дигар аҳли ҷомеа, бахусус мардуми шарифи Тоҷикистон найрангҳои шуморо медонанд ва ҳеҷ гоҳ дигар шуморо дастгирӣ намекунанд.
Наҳзатиҳо аз миллату мазҳаб ҳарф мезананд, вале аввалин хиёнаторо ба миллату мазҳаб кардаанд. Хиёнати ТТЭ ҲНИ ба миллат он аст, ки ба хотири пулу мол иродаи кишварҳои бегонаро зидди миллату Ватани худ амалӣ намуда, бозичаи сиёсӣ дар дасти доираҳои хориҷии манфиатдор гардидаанд. Наҳзатиҳо динро ҳам ба омили хатарноки ҷомеа табдил доданд.
Дар таърихи давлатдории мо тоҷикон баъд аз шикасти аҳди Сомониён дар тӯли таърихи ҳазорсолаҳо мо натавонистем давлати миллӣ дошта бошем. Хушбахтона имрӯз мо Истиқлолияти давлатии худро дорем, давлати миллии худро бунёд намудем. Имрӯз ҳар фарди миллатро зарур аст, ки амалҳои ноҷавонмардонаи наҳзатиёни аҳриманиро маҳкум намояд.
Боиси қайди хос аст, ки яке аз аъзоёни бо ном Паймони миллӣ Шарофиддин Гадоев, ки онро хоинон миллат қолаби сохтаанд, бо дарки хатогии худ ба Ватан бар гашт. Ин шикасти ҷиддии маломатпартоёни миллати мо хусусан наҳзатиён аст, ки аъзои бо макру ҳилла ҷониби худ кашидаашон хатогии худро дарк карда аз роҳашон баргашта истодаанд.
Тамоми мардуми кишварамон дар фазои сулҳу оромӣ умр ба сар мебаранд ва зина ба зина иқтисодиёти кишварамон рушд карда, масъалаҳои иҷтимоӣ ҳалли худро пайдо карда истодаанд. Ҳамаи мушкилотро мо танҳо дар сулҳу осиштагӣ бароварда карда метавонем.
Аз ин ҷиҳат ҳар як фарди ватандӯстро зарур аст, ки бо масъулияти баланд содиқона вазифаи худро анҷом диҳад. Сулҳу суботи кишварамонро чун гавҳараки чашм ҳимоя намоем ва бар зидди душманони миллат, бахусус роҳбарияти фирории ТТЭ ҲНИ муборизаи беамон барем. Ба ҳар амалҳои ноҷавонмардонаи онҳо, ки дар шабакаҳои иҷтимоӣ дар ҳаққи фарзандони бедордилу ватандӯсти кишвар, ки имрӯзҳо барои рушду пешравии он шабу рӯз пайваста заҳмат мекашанд, бетараф набуда, барои саркӯбу хомӯш намудани туҳмату буҳтонҳои онҳо вокунишҳои фаврӣ диҳем, ҳушёриву зиракии сиёсиро аз даст надиҳем ва барои пешгирии шомилшавии шаҳрвандон ба гурӯҳҳои ифротӣ дастаҷаъмона мубориза барем.
Сураё АЛИЕВА, раиси КИ ҲХДТ дар ноҳияи Носири Хусрав
