А.ҶОМӢ. Бо ташаббуси Кумитаи иҷроияи Ҳизби Халқии Демократии Тоҷикистон дар ноҳияи Абдураҳмони Ҷомӣ ҷиҳати дар амал татбиқ намудани Аксияи тарғиботӣ-амалии ҳизбӣ таҳти унвони «Якҷоя ҳал мекунем!» дар деҳаи Хуросони ҷамоати деҳоти Яккатут бо саҳми аъзо ва ҷонибдорони ҲХДТ ва кормандони масъули Кумитаи иҷроияи ноҳиявии ҳизбӣ ҳашари дастаҷамъона дар манзили истиқоматии оилаи ниёзманди ҷомеа ташкил намуда, корҳои тозакунии канали оби ошомиданӣ, нармкунии бехи дарахтон ва ба тартиб даровардани дарахоти мевадиҳандаву сояафкан, шудгори замини наздиҳавлигӣ, рангу бор намудани қисмати берунии манзили зист ва ба соҳибхона расонидани кӯмаки молиявии яквақтаина аз аз ҷониби Кумитаи иҷроияи ноҳиявии ҲХДТ ва фаъолони ҲХДТ дар ноҳия анҷом дода шуд.
