А.ҶОМӢ. Бо ташаббуси Кумитаи иҷроияи ҲХДТ дар ноҳияи Абдураҳмони Ҷомӣ тибқи нақша-чорабиниҳои ҳизбӣ ҷиҳати дар амал татбиқ намудани Аксияи тарғиботӣ-амалии ҳизбӣ таҳти унвони «Якҷоя ҳал мекунем!» дар ташкилоти ибтидоии ҳизбии «Сино» чорабинӣ баргузор гардида, дар он аъзои ташкилоти мазкур корҳои созандагиву ободонӣ, бунёдкориро бо мақсади ободу зебо гардонидани як гӯшаи диёр, аз қабили тоза кардани ҷӯйи обгузар, шинонидани дарахтони мевадиҳандаву сояафкан ва гулҳои ороишӣ саҳм гузоштанд.
Ҳамзамон, дар амалишавии корҳои ободонӣ дар ташкилоти зикршуда кормандони масъули Кумитаи иҷроияи ноҳиявии ҳизб Самадзода Саёҳат мудири шуъбаи кор бо занону ҷавонон ва Ашӯров Суннатулло мутахассиси шуъбаи таблиғот, иттилоот ва матбуоти Кумитаи иҷроия иштирок намуда, дар корҳои созандагиву ободонӣ саҳми худро гузоштанд.
