КУШОНИЁН.Кормандони Кумитаи иҷроияи ҲХДТ дар ноҳияи Кушониён дар ташкилоти ибтидоии “Навбаҳор” бо аъзои ҳизб дар ташкилоти номбурда оид ба омӯзишу баррасии Паёми Асосгузори сулҳу ваҳдати миллӣ, Пешвои миллат Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии кишвар вохӯрӣ гузарониданд.
Масъулин зимни андешаронӣ афзуданд, ки Паёми Асосгузори сулҳу ваҳдати миллӣ- Пешвои миллат муҳтарам Эмомалӣ Раҳмон баррасиии масъалаҳо доир ба вазъи ҷаҳони муосир, омодагии Тоҷикистон дар бораи ҷилавгирӣ аз хатарҳои афзояндаи терроризму ифротгароӣ, баланд бардоштани мақоми зан, пешниҳоди сабукиҳо ба соҳибкорон, ғамхориҳои Сарвари давлат нисбати ятимону бепарасторон, эълон гардидани солҳои 2019 - 2021 Солҳои рушди деҳот, сайёҳӣ ва ҳунарҳои мардумӣ аз он шаҳодат медиҳанд, ки сиёсати иҷтимоии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ин таъмини зиндагии шоистаи мардум мебошад. Дар рафти вохӯрӣ аз ҷамъомадагон даъват ба амал оварданд, ки ҷиҳати амалӣ гардонидани ин дастури муҳим пурмаҳсул ва садоқатмандона фаъолият намоянд.
Дар ҷараёни вохӯри ба иштирокдорон маводҳои таблиғотии ҳизбӣ дастрас карда шуд.
