МУЪМИНОБОД. Тибқи ҷадвали баргузории хонишҳои сиёсӣ, вохӯрию мулоқот дар корхона, муассиса, ташкилот ва деҳаю маҳаллаҳо дар ташкилоти ибтидоии ҳизбии кӯчаи ба номи Партоеви ноҳияи Муъминобод бо истиқоматкунандагон оид ба самтҳои афзалиятноки фаъолияти ҲХДТ вохӯрӣ баргузор гардид.
Дар он мудири шуъбаи таблиғот, иттилоот ва матбуоти Кумитаи иҷроияи ноҳиявии ҳизб ва дигар шахсони даъватӣ иштирок дошта, дар бораи самтҳои афзалиятноки фаъолияти ҲХДТ, аз ҷумла тарғиби либоси миллӣ, пешгирии шомилшавии занону ҷавонон ба ҳизбу ҳаракатҳои ифротӣ, мубориза бар зидди терроризм, муқовимат бо коррупсия ҳамчун омили хатарнок дар ҷомеа, пешгирии нашъаҷаллобиву нашъамандӣ, татбиқи амалии Аксияи тарғиботӣ-амалии ҳизбӣ таҳти унвони «Якҷоя ҳал мекунем!» суханронӣ карда, аз ҷамъомадагон ҷиҳати дар амал татбиқ намудани Аксияи ҳизбӣ даъват ба амал оварданд.
