ФАРХОР. Масъулини Кумитаи иҷроияи ҲХДТ дар ноҳияи Фархор бо мақсади шарҳу тавзеҳи нуктаҳои Паёми имсолаи Президенти Ҷумҳурии Тоҷикистон, амалисозии ҳадафҳои барномавию Оинномавии ҲХДТ ва тарғибу ташвиқи самтҳои афзалиятноки фаъолияти Ҳизби Халқии Демократии Тоҷикистон, дар ташкилоти ибтидоии «Ҳифзи иҷтимоӣ», ки аъзояш кормандони Раёсати Агентии суғуртаи иҷтимоӣ ва нафақа дар ноҳияи Фархор мебошад, вохӯрӣ доир намуданд.
Дар ин вохӯрӣ раиси Кумитаи иҷроияи ҲХДТ дар ноҳия Алиҷон Назаров дар назди ҳозирин баромад намуда, нуктаҳои дахлдори Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро шарҳу тавзеҳ дода, ҳамчунин дар бораи дигар самтҳои афзалиятноки фаъолияти ҳизбӣ ва ҳадафҳои барномавии он суханронӣ намуданд.
