Ш.ШОҲИН. Мудири шуъбаи таблиғот, иттилоот ва матбуоти Кумитаи иҷроияи Ҳизби Халқии Демократии Тоҷикистон дар вилояти Хатлон Орзу Ҳомидиён ҷиҳати баланд бардоштани масъулияти корӣ ва ба тартиб даровардани ҳуҷҷатгузорӣ дар Кумитаи иҷроияи ҲХДТ дар ноҳияи Шамсиддин Шоҳин, ташкилотҳои ибтидоии ҳизбии ҳудуди ноҳия ва бо кормандони масъули он машварат доир намуд.
Зимни боздид аз тарзи ҳуҷҷатнигорӣ дар Кумитаи иҷроия ва тартиби ҷобаҷогузории кортотекаҳо ба кормандони Кумитаи иҷроияи ҲХДТ дар ноҳияи Шамсиддин Шоҳин баҳри бартараф намудани камбудиҳои ошкорнамудааш маслиҳатҳои муфид дод. Мавсуф қайд кард, ки камбудиҳо то охири моҳи январи соли 2019 бартараф карда шуда, аз натиҷааш ба унвони Кумитаи иҷроияи ҲХДТ дар вилояти Хатлон гузориш пешниҳод намоянд.
Дар интиҳои вохурӣ ба кормандони масъули Кумитаи иҷроияи ҲХДТ дар ноҳияи Шамсиддин Шоҳин дар пешбурди таблиғу ташвиқ ва баланд бардоштани мақому нуфузи ҲХДТ ҷиҳати татбиқи амалишавии Паёми Пешвои миллат муваффақиятҳоро таманно намуд.
