ФАРХОР. Дар Паёми имсолаи худ Президенти Ҷумҳурии Тоҷикистон муҳтарам Эмомалӣ Раҳмон солҳои 2019-2021-ро Солҳои рушди деҳот, сайёҳӣ ва ҳунарҳои мардумӣ эълон намуданд. Дар ин самт сокинони деҳаи Аловиддини ҷамоати деҳоти Фархор дар пайравӣ аз сиёсати хирадмандонаи Пешвои миллат корҳои тозагию ободонӣ ва бунёдкориро вусъат дода истодаанд.
Бо иштироки кормандони масъули Кумитаи иҷроияи ҲХДТ дар ноҳия дар ҳудуди деҳаи Аловиддин Аксияи тарғиботӣ-амалии ҳизбӣ таҳти унвони «Якҷоя ҳал мекунем!» роҳандозӣ гардида, сокинон дар тозагию ободонии деҳа саҳм гузоштанд.
Дар ин Аксияи ҳизбӣ масъулини Кумитаи иҷроияи ҲХДТ дар ноҳия иштирок дошта, дар якҷоягӣ бо сокинони деҳа ҷӯйборҳо, роҳравҳо ва партовгоҳҳоро тоза намуданд.
Ҳамчунин, сокинон бо қувваи худӣ роҳҳои дохилии деҳаро сангфарш ва кӯчаҳоро чароғон карда истодаанд.
