Ҷ. БАЛХӢ. Дар асоси ҷадвали баргузории хонишҳои сиёсӣ ва чорабиниҳои ҳизбӣ дар ташкилотҳои ибтидоии ҲХДТ дар ноҳияи Ҷалолиддини Балхӣ барои нимсолаи якуми соли 2019 дар ташкилоти ибтидоии ҳизбии «Ваҳдат»-и ҷамоати деҳоти Маданияти ноҳия вохӯрии навбатӣ баргузор гардид.
Дар вохӯрӣ кормандони масъули Кумитаи иҷроияи ҲХДТ дар ноҳия иштирок дошта, оид ба шарҳу тавзеҳи нуктаҳои Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, ки аз 26 декабри соли 2018 бармеояд, ва самтҳои афзалиятноки фаъолияти ҲХДТ суханронӣ намуданд.
Дар анҷоми вохӯрӣ Аксияи тарғиботӣ-амалии ҳизбӣ таҳти унвони «Якҷоя ҳал мекунем!» баргузор гардид, ки аз ҷониби аъзои фаъоли ташкилоти ибтидоии ҳизбӣ дар гузаргоҳи асосии ҷамоати деҳоти Маданият 120 адад дарахтони ҳамешасабз шинонида шуд.
