ЛЕВАКАНТ. Дирӯз вохӯрии намояндагони Президенти Ҷумҳурии Тоҷикистон дар шаҳри Левакант, Раиси палатаи ҳисоби Ҷумҳурии Тоҷикистон Чиллазода Қарахон ва вакили Маҷлиси намояндагони Маҷлиси Олии Ҷумҳурии Тоҷикистон Тағаймуродов Анвар оид ба расонидани моҳият ва муҳтавои Паёми Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз 26 декабри соли 2018 бармеояд, дар қасри фарҳанги шаҳр бо фаъолон , аъзо ва ҷонибдорони ҲХДТ доир карда шуд.
Чиллазода Қарахон ва Тағаймуродов Анвар Ҳайдарович дар назди иштирокдорон нуктаҳои асосии Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, ки таъмини пешрафти соҳаҳои иқтисоду саноат, энергетика, роҳу нақлиёт, амнияту мудофиа, ҳифзи ҳуқуқу тартибот, тандурустӣ, фарҳанг, илму маориф, ҳифзи иҷтимоии аҳолӣ, ҷавонон, варзиш ва сайёҳиро шарҳу тавзеҳ доданд.
Инчунин, дар идомаи суҳбат иброз доштанд, ки мо бояд Ватани худро сидқан ва баробари ҷони хеш дӯст дорем, ватандӯсту меҳанпарасти воқеӣ бошем, шукронаи неъмати бузургтарин ва муқаддаси инсонӣ, яъне соҳибватанӣ ва озодиро ба ҷо орем, барои ҳимояи сарзамини аҷдодӣ ҳамеша омода бошем, ба хотири пешрафту ободии давлати соҳибистиқлоламон ва рӯзгори осудаву ороми ҳар як хонадони кишвари азизамон шабу рӯз заҳмат кашем.
