КУШОНИЁН. Дар ташкилоти ибтидоии “Маорифчиён”- и муассисаи таҳсилоти миёнаи умумии №1- и ноҳияи Кушониён бахшида ба Соли рушди сайёҳӣ ва ҳунарҳои мардумӣ бо ташаббуси намояндагии ТҶҶ “Созандагони Ватан” ва масъулини муассисаи мазкур озмуни “Рассоми беҳтарин ” баргузор карда шуд.
Дар озмун хонандагон фаъолона иштирок намуда, дар мавзӯъҳои “Кишварам - Тоҷикистон”, “Обу чашмаҳои шифобахш”, “Табиати афсунгар”, “Мактаби ман”, “Варзиш” беш аз 112 адад расмҳои гуногунро пешниҳод намуданд.
Дар охир аз ҷониби ҳакамон ғолибони озмуни мазкур муайян карда шуда, онҳо бо туҳфаҳои хотиравӣ сарфароз гардонида шуданд.
