ДАНҒАРА. Ҷиҳати дар сатҳи сазовор пешвоз гирифтани 30- солагии Истиқлолияти давлатии Ҷумҳурии Тоҷикистон дар доираи Аксияи тарғиботӣ-амалии ҳизбӣ таҳти унвони “Якҷоя ҳал мекунем!” дар ноҳияи Данғара бо ҷалби фаъолон, аъзо ва ҷонибдорони ҲХДТ корҳои созандагиву ободонӣ роҳандозӣ гардидааст.
Дар асоси дастуру супоришҳои Асосогузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон дар тамоми қаламрави ҷумҳурӣ корҳои ободониву созандагӣ босуръат идома доранд.
Бо мақсади саҳмгузорӣ дар корҳои ободониву созандагӣ ва татбиқи самараноки Аксияи тарғиботӣ - амалии ҳизбӣ таҳти унвони “Якҷоя ҳал мекунем!” дар деҳаи Пушинги ҷамоати деҳоти Пушинг хониши сиёсӣ аз ҷониби Кумитаи иҷроияи ҲХДТ дар ноҳияи Данғара баргузор гардид, ки дар он самтҳои афзалиятноки фаъолияти ҲХДТ мавриди баррасӣ қарор дода шуданд.
