ФАРХОР. Кормандони масъули Кумитаи иҷроияи ҲХДТ дар ноҳияи Фархор бо аъзо ва ҷонибдорони ҲХДТ дар деҳаи Шарафи ҷамоати деҳоти Дарқад мулоқот намуданд.
Дар ин мулоқот муовини раиси Кумитаи иҷроияи ҲХДТ дар ноҳияи Фархор Шаҳбози Искандар дар назди ҳозирин оид ба пурзӯр намудани маъсулияти падару модар ҷиҳати таълиму тарбияи фарзанд, дар руҳияи ватандӯстӣ, хештаншиносӣ ва илмомӯзӣ тарбия намудани насли ҷавон, боло бурдани сатҳи маърифати сокинон дар масъалаи сарфакорию сариштакорӣ ва роҳ надодан ба хароҷотҳои зиёдатӣ ҳангоми маросимҳои тӯю азодорӣ ибрози андеша намуд.
Номбурда моҳияти мавзӯъҳои болозикрро ба сокинон бо таҳлилу мисолҳои амиқ фаҳмонида, қайд намуд, ки роҳе, ки ояндаи дурахшони миллати тоҷикро месозад ин илм аст. Илм дар ҷое рушд мекунад, ки ба он арзиш қоиланд, пас моро месазад илмро ҳамчун арзиш пазируфта, фарзандонро дар ҳамин руҳия тарбия намоем.
Дар охири мулоқот сокинон ба масъулин изҳори минатдорӣ намуда, қайд карданд, ки воқеъан ҳам баргузории чунин суҳбату вохӯриҳо мафкураи хоболуди сокинонро мисли зангулае бедор месозад, бошад, ки чунин суҳбатҳо пайваста баргузор гардаду мо сокинон ба худ ғизои маънавие бигирем.
