Н.ХУСРАВ. Тибқи ҷадвали мувофиқашуда оид ба баргузории мулокоту вохӯриҳо дар нимсолаи дуюми соли 2018 дар ташкилоти ибтидоии “Идораи кишоварзӣ” -и ноҳияи Носири Хусрав хониши сиёсӣ баргузор гардид.
Чорабиниро раиси Кумитаи иҷроияи ҲХДТ дар ноҳия Алиева Сураё ифтитоҳ намуда, оид ба вазифаҳои сохторҳои ҳизбӣ, сафарбар намудани мардум ба корҳои созандагӣ, дар амал татбиқ намудани дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон фаҳмонида қайд намуд, ки Сарвари давлат дар назди мо кормандони ҳизб вазифа гузоштанд, ки бояд ҳамеша мардумро роҳнамоӣ кунем ва дар ҳалли муҳимтарин масъалаҳои мураккабу душвори онҳо кӯмак расонем.
Ин масъулият вазифаи ҳар як корманди мақомоти давлатӣ, мақомоти маҳаллӣ, ҳар як вакил ва аъзои ҳизб мебошад.
Дар маҳалҳо оид ба таъсиси ҷойҳои корӣ, ба шуғли хонагӣ, ҷалб кардани ҷавонон, бахусус занону духтарон чораҳо андешем. Ҳар яки мо дар ҳалли мушкилоти ҷойдоштаи мардум саҳми худро гузорем.
