НОРАК. Бахшида ба 24-солагии таъсисёбии Ҳизби Халқии Демократии Тоҷикистон дар ташкилоти ибтидоии ҳизбии “Нурофарон” вохурӣ доир карда шуд.
Дар вохӯрӣ раиси Кумитаи иҷроияи ҲХДТ дар шаҳри Норак Қумриниссо Гулмуродзода, раиси ташкилоти ибтидоии ҳизбии “Нурофарон” Фазлиддин Шоиддинов иштирок ва суханронӣ намуданд.
Қумриниссо Гулмуродзода дар бораи таърихи таъсисёбии ин ҳизби бонуфуз, марҳилаҳои тайнамуда, барномаву оинномаи ҲХДТ ҳарф зада, таъкид намуд, ки маҳз бо шарофати сиёсати созандаву бунёдкоронаи ин ҳизби бунёдкор мо мардуми сарбаланди тоҷик дар даврони соҳибистиқлолӣ ба дастовардҳои назаррас мушаррафу комёб гардидем. Маҳз бо роҳбарии хирадмандонаи Пешвои муаззами миллат, Раиси муаззами ҲХДТ муҳтарам Эмомалӣ Раҳмон сиёсату ҳадафҳои наҷибу олии ҳизб амалӣ гардида, сатҳи зиндагии мардум баланд, сохтору низоми давлатдорӣ устувор, самтҳои муҳим рушд карда, обруву нуфузи Тоҷикистон дар сатҳи байналмилалӣ ба маротиб афзуд.
