ТЕМУРМАЛИК. Дар асоси ҷадвали баргузории вохӯрию мулоқотҳо дар деҳаю маҳаллаҳои ноҳия дар боғчаи №3-и ноҳияи Темурмалик вохӯрии навбатии кормандони Кумитаи иҷроияи ҲХДТ дар ноҳия баргузор гардид.
Дар рафти мулоқот раиси Кумитаи иҷроияи ҲХДТ дар ноҳия Маҳмадсаид Раҷабзода доир ба самтҳои афзалиятноки фаъолияти ҲХДТ, таърихи таъсисёбии Ҳизби Халқии Демократии Тоҷикистон ва роҳи пуршарафи тайкардаи он, хизматҳои беназири Раиси муаззами ҲХДТ муҳтарам Эмомалӣ Раҳмон, вусъат бахшидани корҳои ободонию созандагӣ бахшида ба истиқболи ҷашни 30-солагии Истиқлолияти давлатии Ҷумҳурии Тоҷикистон, нчунин дар бораи Соли рушди сайёҳӣ ва ҳунарҳои мардумӣ андешаронӣ намуд.
Доир ба суханронии раиси Кумитаи иҷроияи ҲХДТ дар ноҳияи Темурмалик Раҷабзода Маҳмадсаид вакили Раҷабов Холмурод ва корманди боғчаи №3 Ҳакимова Розиямо вобаста ба самтҳои афзалиятноки фаъолияти ҲХДТ андешаронӣ карда, ҳамагонро ба корҳои созандагиву бунёдкорӣ, дар роҳи ватандӯстиву худогоҳии миллӣ тарбия намудани наврасон раҳнамоӣ карданд.
Дар охир Раҷабзода Маҳмадсаид ва Раҷабов Холмурод ба саволҳои ҷаъмомадагон посухҳои амиқ гардониданд.
