ҶАЙҲУН. Бо ташаббуси Кумитаи иҷроияи ҲХДТ дар ноҳияи Ҷайҳун дар деҳаи Деҳқонободи Ҷамоати деҳоти «Истиқлол»-и ноҳияи Ҷайҳун чорабинии тарғиботии ҳизбӣ бахшида ба Соли рушди сайёҳӣ ва ҳунарҳои мардумӣ дар мавзӯъи «Ҳунарҳои мардумӣ омили асосии баланд бардоштани иқтисодиёди оила» бо иштироки мудири шуъбаи кор бо занон ва ҷавонони Кумитиаи иҷроияи ҲХДТ дар ноҳияи Ҷайҳун Ализода Фарзона ва коромӯзи КИ ҲХДТ дар ноҳияи Ҷайҳун Зайдуллоев Муҳамадҷон ва сокинони фаъоли деҳаи болозикр баргузор гардид.
Дар чорабинии таблиғотии мазкур занону бонувон чанд навъ ҳанарҳои мардумиро ба намоиш гузошта, ҷавонону фаъолони деҳаи мазкур аз тамошои ҳунарҳои мардумӣ ба як худ ғизои маънавӣ гирифтанд.
Зимнан мудири шуъбаи кор бо занон ва ҷавонони Кумитиаи иҷроияи ҲХДТ дар ноҳияи Ҷайҳун Ализода Фарзона барои ташкили чорабинии мазкур минатдории Кумитаи иҷроияи ноҳияро ба аҳли кӯча расонида, оид ба Соли рушди сайёҳӣ ва ҳунарҳои мардумӣ муфассал баромад намуд. Мавсуф дар суханронии хеш иброз дошт, ки дар доираи ҷадвали баргузории вохӯриву мулоқот дар деҳаву маҳаллаҳои ноҳияи Ҷайҳун чунин чорабиниҳо баргузор гаша истодаанд. Ҳунармадони ноҳияи Ҷайҳун дар давоми моҳи июл ва августӣ соли ҷорӣ дар доираи баргузории чорабиниҳо бахшида ба Соли рушди сайёҳӣ ва ҳунарҳои мардумӣ тавонистанд ҳунари волои хешро нишон диҳанд.
Ҳамчунин дар рафти чорабини коромӯзи КИ ҲХДТ дар ноҳияи Ҷайҳун Зайдуллоев Муҳамадҷон суханрони намуда, қайд карданд, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон дар яке аз суханрониҳояшон иброз доштанд, ки: -«Миллате, ки ба анъанаҳо, урфу одатҳои аҷдодӣ ва ойинҳои миллии хеш ифтихор дорад, метавонад аз неъмати бебаҳои Истиқлол баҳра гирад, дар бунёди давлат ва давлатдории навин саҳм гузорад. Чунки тоҷиконро ҳамчун миллати сулҳпарвар, соҳиби тамаддун ва фарҳанги бузурги миллӣ бо анъанаҳои нек, урфу одатҳои созандаву хайрхоҳона мешинохтанд ва мешиносанд».
