ҲАМАДОНӢ. Дар ташкилоти ибтидоии ҳизбии «Бобуна» хониши сиёсӣ бо иштироки кормандони масъули Кумитаи иҷроияи ҲХДТ дар ноҳияи Мир Сайид Алии Ҳамадонӣ баргузор гардид.
Мудири шуъбаи таблиғот, иттилоот ва матбуоти Кумитаи иҷроияи ҲХДТ дар ноҳия Гадоӣ Сайдалиев дар бораи сиёсати хирадмандонаи Пешвои миллат, Президенти кишвар, Раиси муаззами ҲХДТ муҳтарам Эмомалӣ Раҳмон ҷиҳати ғамхориҳояшон нисбати беҳшавии соҳаи тандурустӣ суханронӣ намуда, қайд кард, ки беҳтар шудани соҳаи тандурустӣ дар мадҳи аввали назари Пешвои миллат муҳтарам Эмомалӣ Раҳмон қарор дорад ва рӯз то рӯз хубтару беҳтар шуда истодааст. Бемориҳои сироятӣ ба мисли ВНМО/АМНО (ВИЧ/СПИД) ва Гепотити С, ки ба генафонди миллат зарароваранд дар шароити ҳозира бисёр ташвишоваранд. Аз ин рӯ донистани бемориҳо роҳҳои гузариш, пешгирӣ ва инкишофу авҷгирии онҳо амри зарурист.
