ҶАЙҲУН. Дар доираи нақшаи корӣ ва ҷадвали баргузории вохӯрию мулоқотҳои Кумитаи иҷроияи ҲХДТ дар ноҳияи Ҷайҳун дар деҳаи Орзуи ҷамоати деҳоти «Қумсангир»-и ноҳияи Ҷайҳун чорабинии таблиғотии ҳизбӣ вобаста ба сазовор таҷлил намудани «Соли рушди саёҳӣ ва ҳунарҳои мардумӣ», ҳамчунин ҷиҳати расонидани моҳияти самтҳои афзалиятноки фаъолияти ҲХДТ ба аҳолии деҳа бо иштироки раиси Кумитаи иҷроияи ҲХДТ дар ноҳияи Ҷайҳун Шомаҳмадова Ҷумаъгул ва мудири шуъбаи кор бо занон ва ҷавонони Кумитаи иҷроияи ҲХДТ дар ноҳияи Ҷайҳун Ализода Фарзона доир гардонида шуд, ки писанди ҳозирин буд.
Чорабинии мазкурро раиси Кумитаи иҷроияи ҲХДТ дар ноҳияи Ҷайҳун Шомаҳмадова Ҷумаъгул бо аз назар гузаронии намоиши ҳунарҳои мардумӣ ва хӯрокҳои миллӣ ҳусни ифтитоҳ бахшида, ба ҳунармандони деҳаи мазкур хусусан ба бонувон, ки ба эҳёи ҳунарҳои мардумӣ машғуланд як ҷаҳон таҳсину офарин хонданд. Чунки дар чорабинии мазкур тамоми ҳунарҳои мардумӣ ва хӯрокҳои миллии хоси мардуми тоҷик ба намоиш гузошта шуда буд, ки фарҳанги миллати тоҷикро муаррифӣ менамуд.
Ҳамзамон, дар рафти чорабинии ҳизбӣ раиси Кумитаи иҷроия Шомаҳмадова Ҷумаъгул вобаста ба самтҳои афзалиятноки фаъолияти ҲХДТ ва «Соли рушди сайёҳи ва ҳунарҳо мардумӣ» муфассал суханронӣ намуда, аз ҳозирин даъват ба амал оварданд, ки баҳри огоҳии мардум, хусусан ҷавонон аз хатари терроризму экстремизм, истифодаи мақсадноки нерӯи барқ, хатари ҳизбу ҳаракатҳои дар ҷумҳурӣ мамнуъ, истифодаи дуруст ва мақсадноки шабакаҳои интернетӣ, пешгирӣ аз бемориҳои сироятӣ ва риояи талаботу муқаррароти қонунҳои миллӣ ва дуруст сафарбар кардани хайру сахо кӯшиш ба харҷ диҳанд.
Бояд қайд кард, ки дар чорабинии таблиғотии ҳизбӣ, бонувони деҳа зери навои мусиқӣ мерақсиданду меболиданд, ки воқеан ҳам фазои идонаи ҳизбӣ ҳувайдо буд.
