ВОСЕЪ. Бо мақсади иҷрои нақша-чорабиниҳо дар нимсолаи дуюми соли равон дар ҷамоати шаҳраки Восеъ бо иштироки раиси Кумитаи иҷроияи ҲХДТ дар ноҳия Сафарова Ҳафиза ва кормандони ҷамоати мазкур хониши сиёсӣ баргузор гардид.

Зимни баргузории хониши сиёсӣ Сафарова Ҳафиза вобаста ба таърих ва самтҳои афзалиятноки фаъолияти ҲХДТ ва ҳадафҳои барномавии он, нуктаҳои асосии Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, тарғиби либоси миллӣ, пешгирии шомилшавии занону ҷавонон ба ҳизбу ҳаракатҳои ифротӣ, тарбияи дурусти фарзандон дар роҳи ватандӯстӣ, ҷалб намудани шаҳрвандон ба омӯзиши касбу ҳунарҳои мардумӣ, ободкориву бунёдкорӣ ва дигар масъалаҳо ибрози андеша намуд.

Ҳамзамон аз ҷониби кормандони ҷамоат  зикр гардид, ки  ҷавобан ба хизматҳои бузурги Пешвои миллат моро мебояд, ки содиқона ба халқу Ватан хизмат намуда, корҳои фаҳмондадиҳиро миёни шаҳрвандон дар самти паст кардани сатҳи бекориву камбизоатӣ дар заминаи рушди соҳибкорию хоҷагидорӣ,  корҳои хонагӣ вобаста ба эълон гардидани соли 2018 ҳамчун Соли рушди сайёҳӣ ва ҳунарҳои мардумӣ, ба истифодадиҳии аввалин агрегати НБО Роғун ва сазовор истиқбол гирифтани 30-солагии Истиқлолияти давлатии Ҷумҳурии Тоҷикистон зиёд карда, ҳамагонро ба корҳои созандагиву бунёдкорӣ даъват менамоем.