Ш.ШОҲИН. Бо ташаббуси Кумитаи иҷроияи ҲХДТ дар ноҳияи Шамсиддин Шоҳин дар бо кормандону табибони ташкилоти ибтидоии «Беморхонаи Даштиҷум», ки аъзои фаъоли ҲХДТ мебошанд, доир ба самтҳои афзалиятноки фаъолияти ҲХДТ хониши сиёсӣ баргузор гардид.
Зимнан Неъматов Абдулҷаббор мудири шуъбаи таблиғот, иттилоот ва матбуоти Кумитаи иҷроияи ҲХДТ дар ноҳия мақсади хониши сиёсиро ба ҳамагон фаҳмонида, вобаста ба самтҳои афзалиятноки фаъолияти ҲХДТ муносибату муомила бо беморон, умуман сиҳатии омма инчунин дар бораи баргузории чорабиниҳо бахшида ба Соли рушди сайёҳӣ ва ҳунарҳои мардумӣ ва ба истифода додани чархаи аввали Нерӯгоҳи барқи обии Роғун ибрози андеша, карда, афзуд, ки Ҳукумати мамлакат бо дарназардошти он ки саломатии мардум шарти муҳимтарини пешрафти мамлакат мебошад, ба ҳалли масъалаҳои вобаста ба тандурустии аҳолӣ эътибори аввалиндараҷа медиҳад.
Дар давоми 27 сол дар кишвар барои таъмин намудани аҳолӣ ва соҳаҳои иҷтимоӣ бо оби тозаву босифати нӯшокӣ, ки омили асосии ҳифзи саломатӣ мебошад, бо маблағҳои зиёд лоиҳаҳои давлатии сармоягузорӣ ва кӯмаки беруна амалӣ гарадида, дар ин самт татбиқи лоиҳаҳо идома дорад.
Дар соҳаи тандурустӣ ва ҳифзи иҷтимоии аҳолӣ ислоҳот бомаром идома ёфта, дар натиҷаи мунтазам афзудани маблағгузорӣ дар ду соли охир садҳо муассисаҳои нави тандурустӣ, ки дорои таҷҳизоти замонавии тиббӣ мебошанд, мавриди истифода қарор гирифта, сатҳу сифати хизматрасонии тиббӣ ба аҳолӣ беҳтар шуда истодааст.
