ФАРХОР. Тибқи ҷадвали тасдиқгардидаи Кумитаи иҷроияи ноҳиявии ҳизб дар ташкилоти ибтидоии ҳизбии «Боғчаи №2» хониши сиёсӣ доир гардид.
Нахуст, дар ин хониши сиёсӣ раиси Кумитаи иҷроияи ҲХДТ дар ноҳияи Фархор Назаров Алиҷон дар ҷамъомадагон оид ба самтҳои афзалиятноки фаъолияти ҲХДТ андешаронӣ намуда, ҳозиринро бахшида ба Рӯзи Парчами давлатии Ҷумҳурии Тоҷикистон муборакбод намуд.
Сипас, дар идома мавсуф дар бораи тарбияи кӯдакон дар рӯҳияи ватандӯстӣ, хештаншиносӣ, ҳурамати падару модар ва калонсолон, риояи ҳатмии Қонунҳои миллии Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» ва «Дар бораи масъулияти падару модар дар таълиму тарбияи фарзанд» суханронӣ намуда, аз муррабияву таълимдиҳандагони ин муассиса барои содиқонаву софдилона иҷро кардани вазифаи ба уҳда будаашон дар таълиму тарбияи насли наврас даъват ба амал овард.
