ДАНҒАРА. Дар асоси ҷадвали тасдиқгардидаи Кумитаи иҷроияи ҲХДТ дар ноҳияи Данғара дар ҶСШК “Каёнуш” хониши сиёсӣ оид ба самтҳои афзалиятноки фаъолияти ҳизбӣ баргузор гардид.
Дар чорабинии мазкур Каримов Пирмуҳаммад раиси Кумитаи иҷроияи ҲХДТ дар ноҳияи иштирок намуда, оид ба таърихи Парчами давлатӣ ҳамчун ифодагари соҳибихтиёрӣ ва мустақилият, риояи қонунҳои миллӣ, раҳнамоии ҷавонону наврасон ба ҳунаромӯзӣ ва интихоби дурусти касб, ҳадафҳои стратегии мамлакат ва ояндаи неки Тоҷикистон, рӯ овардан ба фарҳанги миллӣ ва аз байн бурдани тарғиб ба фарҳанги бегона, Соли рушди сайёҳӣ ва ҳунарҳои мардумӣ имконият ва заминаи эҳёи унсурҳои фарҳанги миллӣ ва муаррифии Тоҷикистон ба ҷаҳониён ба сифати мамлакати сайёҳӣ, устувории оилаҳои ҷавон дар доираи мафҳуми “Оила – шоҳсутуни давлат” суханронӣ намуда,ҳамагонро бо Рӯзи Парчами давлатии Ҷумҳурии Тоҷикистон табрику муборакбод гуфт.
