ЁВОН. Тибқи ҷадвали баргузории суҳбату вохӯриҳо ва хонишҳои сиёсӣ аз ҷониби намояндагони Кумитаи иҷроияи ҲХДТ дар ноҳияи Ёвон дар бахши ҳифзи муҳити зисти ноҳия бо иштироки аъзои ташкилоти ибтидоии ҳизбии «Бахши муҳити зист» хониши сиёсӣ баргузор гардид.
Дар ҷараёни хониши сиёсӣ и.в.муовини раиси Кумитаи иҷроияи ҲХДТ дар ноҳия Солиҳов Маҳмадрасул дар бобати ҳодисаи нангине, ки санаи 29 июли соли равон дар ноҳияи Данғараи вилояти Хатлон аз ҷониби гурӯҳи муташаккили ҷиноӣ содир гардид ва дар натиҷа чанд нафар сайёҳони хориҷӣ захмӣ шудаву чанд тани дигар ба ҳалокат расиданд, изҳорӣ нигаронӣ намуда, мардумро барои муттаҳид будан, тарбияи дурусти наврасону ҷавонон, риояи қонунҳои миллӣ, расидан ба қадри сулҳу субот, хизмати содиқона ба халқу Ватан, тарғиби тарзи ҳаёти солим ва пешгирӣ аз паҳншавии бемориҳои сироятӣ, тарбияи ҳарбӣ-ватандӯстии ҷавонон ва ҷалби онҳо ба хизмати ҳарбӣ, тарғиби фарҳанги миллӣ ва пешгирӣ аз майлӣ бегонапарастӣ миёни ҷавонону занон, муборизаи идеологӣ бар зидди терроризм экстремизм ва пешгирии гаравиши ҷавонон ба гурeҳҳои тундгаро, баргузории чорабиниҳо ба хотири огоҳ кардани аҳолӣ ва пешгирии онҳо аз гаравиш ба ҳизбу ҳаракатҳои дар кишвар мамнуъи ТЭТ ҲНИТ, Гурӯҳи 24 ва ғайра ҳидоят намуданд.
