КУШОНИЁН. Ба истиқболи Рӯзи Парчами миллӣ бо ташаббуси Кумитаи иҷроияи ҲХДТ дар ноҳияи Кушониён бо иштироки фаъолон, аъзо ваҷонибдорони ҲХДТ ва аъзои намояндагии ТҶҶ «Созандагони Ватан» чорабинии сиёсиву фарҳангӣ баргузор гардид.
Дар саҳни Гимназияи №3 ҷавонону наврасон баҳри истиқболи ҷашн бо парчамҳо ҷамъ омаданд ва дар фазои идона бо шукргузорӣ аз сулҳу суботи пойдори кишвар парчамҳо парафшонӣ менамуданд.
Ҷамъомади тантанавиро раиси Кумитаи иҷроияи ҲХДТ дар ноҳияи Кушониён Сатторова Мунаввара ифтитоҳ намуда, иштирокчиёни чорабиниро бо ҷашни фархунда табрику шодбош гуфта, зимни баромади худ оид ба таърих ва моҳияти Парчами миллӣ, дирафши ковиёнӣ ва Парчами даврони истиқлолият суханронӣ намуда, қайд кард, ки Парчам ифодагари иқболу истиқлол, иттиҳоду сарҷамъӣ, нангу номус, ватандӯстию ватанпарастӣ ва ҳуввияти миллии халқи тоҷик буда, болои сари мо ҳамеша парафшон аст.
Дар ин чорабинӣ инчунин, ҷавонони фаъол оид ба таърихи Парчам ва дар васфу ситоиши он баромаду суханрониҳо намуданд.
Сипас, барномаи идонаи «Парафшон бод доим Парчами мо», ки иборат аз суруду таронаҳои марғуби Парчам ва тараннуми ватандӯстона буд, пешкаши ҳозирин гардонида шуд.
Чорабинии Рӯзи Парчами давлатии Ҷумҳурии Тоҷикистон дар сатҳи баланди сиёсию фарҳангӣ, бо шукуҳу шаҳомати хоса ва бо ифтихор аз кишвари соҳибистиқлол таҷлил гардид.
