ШАҲРИТУЗ. Бо иқдоми кормандони масъули Кумитаи иҷроияи Ҳизби Халқии Демократии Тоҷикистон дар ноҳияи Шаҳритуз аксияи ҳизбӣ таҳти унвони «Фурӯғи нури Раҳмонӣ» бахшида ба ифтитоҳи агрегати якуми Нерӯгоҳи барқи обии Роғун дар маркази ноҳия гузаронида шуд.
Дар аксияи ҳизбӣ раиси Кумитаи иҷроияи ҲХДТ дар ноҳияи Шаҳритуз Шаропов Ҳомидҷон иштирок дошта, ба шаҳрвандони маркази ноҳия ва кӯчаву деҳаҳои гирду атрофи ноҳия овезаҳои ҳизбиро бо навиштаҷоти «Фурӯғи нури Раҳмонӣ», ки дар он аксҳои Нерӯгоҳи оби барқии Роғун ва Пешвои миллат инъикос ёфтаанд, дастраси ҳамагон гардонида шуд.
Дар рафти аксияи ҳизбӣ сокинон маводи таблиғотиро бо хурсандии зиёд қабул намуда, чун туҳфа ба манзили худ мебурданд ва аз ҳамдигар бо ифтихору шукргузорӣ мужда мегирифтанд, ки ба истиқлолияти энергетикӣ расидем.
