ҲАМАДОНӢ. Вохӯрии кормандони масъули Кумитаи иҷроияи Ҳизби Халқии Демократии Тоҷикистон дар ноҳияи Мир Сайид Алии Ҳамадонӣ бо сокинони деҳаи Дараи Калоти ҷамоати деҳоти Қаҳрамон бахшида ба Рӯзи Президенти Ҷумҳурии Тоҷикистон, Иҷлосияи 16-уми Шӯрои Олии Ҷумҳурии Тоҷикистонва ба кор даромадани агрегати якуми НБО-и Роғун баргузор гардид.
Зимни баргузории вохӯри раиси Кумитаи иҷроияи ҲХДТ дар ноҳия Давлатҷон Ғаффорзода дар бораи амалӣ гаштани яке аз самтҳои афзалиятноки фаъолияти ҲХДТ расидан ба истиқлолияти энергетики кишвар ва мақоми Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон бо ҷамъомадагон суҳбат намуда, қайд кард, ки 16-уми ноябри соли ҷорӣ агрегати якуми НБО-и Роғун ба кор даромада истиқлолияти энергетикӣ расидем. Аз ин лиҳоз ҳар як фарди худогоҳу ватандӯстро лозим аст, қувваи барқро сарфаҷӯёна истифода бурда, маблағи истифодаи онро сари вақт пардохт намоянд.
