Н.ХУСРАВ. Мутобиқи нақшаи фаъолияти Кумитаи иҷроия ҲХДТ дар ноҳияи Носири Хусрав дар ташкилоти ибтидоии ҳизбии “Нафақа”-и ноҳия бо иштироки масъулони ҳизб хониши сиёсӣ дар мавзӯъи “Нури Роғун хонадони тоҷикро нурборон мекунад” баргузор гардид.
Хониши сиёсиро мудири шуъбаи таблиғот, иттилоот ва матбуоти Кумитаи иҷроияи ҲХДТ дар ноҳияи Носири Хусрав Муродов Раҳмон ифтитоҳ намуда, кайд намуд, ки бо ҷаҳду талошҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон ва меҳнати фидокоронаи сохтмончиёну муҳандисон инак сохтмони иншооти бузургтарин ва аз ҳама муҳимтарини гидроэнергетикии Тоҷикистон дар арафаи ба анҷомрасӣ қарор дошта, чархаи якуми он рӯзи 16 –уми ноябри соли ҷорӣ ба кор андохта мешавад. Ин рӯзро тамоми мардуми шарифи Тоҷикистон дер боз интизор буданд, чунки Нерӯгоҳи барқии обии Роғун воситаи муҳимтарини баланд бардоштани сатҳу сифати зиндагии мардум, омили тавонбахши рушди маорифу тандурустӣ, илму фарҳанг ва фаъолияти пурсамару бардавоми корхонаву муассиса ва дигар иншоотҳои иҷтимоӣ ва муҳимтаринаш нури рӯшноиву гарм дар хонадони ҳар яки мову шумо мебошад.
Ҳар як сокини Ватан ин лаҳзаи барои кишвар фараҳбахшу таърихиро бесаброна интизоранд ва бовари дорем, ки дар назари аҳли ҷаҳон пирӯзии Пешвои миллат, пирӯзии заковати хиради давлатдорӣ, пирӯзаии ҷавонмардиаш боз як бори дигар эътирофи аҳли башар мегардад.
Бо ба кор андохтани Нерӯгоҳи барқии обии Роғун сатҳу сифати зиндаги мардум боло рафта, некуаҳволии мардум ботадриҷ баланд хоҳад шуд.
Иштирокдорон вазифадор гардиданд, ки дар утоқҳои кории худ аз шабакаҳои телевизиони ҷумҳурӣ рафти ифтитоҳ ва суханронии Асосгузори сулҳу ваҳдати милли-Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон дар маросими ба кор андохтани чархаи якуми ин иншооти азими аср намоиш дода мешавад, тамошо кунанд.
Ба саволу дархостҳои аъзои ҳизби ташкилоти ибтидоии Нафақаи -и ноҳия ҷавобҳои саҳеҳ гардонида шуд.
