ВОСЕЪ. Бо мақсади самаранок ҷамъбаст кардани Соли рушди сайёҳӣ ва ҳунарҳои мардумӣ ва Соли тақвияти робита бо маҳал Кумитаи иҷроияи ҲХДТ дар ноҳияи Восеъ намоиши ҳунарҳои мардумиро дар кӯчаи А. Мирзоеви ҷамоати шаҳраки Ҳулбук роҳандозӣ намуд.
Дар чорабинии фарҳангӣ раиси Кумитаи иҷроияи ҲХДТ дар ноҳияи Восеъ Сафарова Ҳафиза, мудири шуъбаи таблиғот, иттилоот ва матбуоти Кумитаи иҷроияи ҲХДТ дар ноҳияи Восеъ Гулрухсор Мирзоева иштирок ва баромад намуданд.
Зимни суханронии корманди масъули ҳизбӣ гуфта шуд, ки иқдоми хирадмандонаи Пешвои миллат муҳтарам Эмомалӣ Раҳмон оид ба эълон гардидани Соли рушди сайёҳӣ ва ҳунарҳои мардумӣ, ба хотири баланд бардоштани фарҳанги миллӣ, ҳифзу гиромӣ доштани анъанаҳо ва ҳунарҳои мардумӣ, раҳоӣ ёфтан аз бегонапарастӣ, боло бурдани ҳисси ватандӯстӣ ва бо ин тариқ паст кардани сатҳи бекорӣ дар мамлакат мусоидат менамояд.
Аз ин рӯ, ҳар яки моро зарур аст, ки сиёсати неки Пешвои муаззами миллатро дастгирӣ намуда, барои ривоҷу равнақ додани ҳунарҳои миллиамон ва ба ҷаҳониён муррифӣ кардани фарҳанги миллии тоҷикон саҳми худро гузорем.
