А.ҶОМӢ. Кумитаи иҷроияи Ҳизби Халқии Демократии Тоҷикистон дар ноҳияи Абдураҳмони Ҷомӣ ва аксарияти ташкилотҳои ҳизбии қаламрави ноҳия барои амалӣ кардани сиёсати пешгирифтаи Раиси муаззами ҲХДТ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тамоми имкониятҳои мавҷуда ва кӯшишу ғайраташонро сафарбар карда истодаанд.
Вобаста ба ин кормандони масъули Кумитаи иҷроияи ҲХДТ дар ноҳияи Абдураҳмони Ҷомӣ мудири шуъбаи кор бо занон ва ҷавонон Самадзода Саёҳат ва мутахассиси шуъбаи ташкилии Кумитаи иҷроияи ҲХДТ дар ноњия Ҷамолиддини Маҳмадшариф вохӯриро бо сокинони маҳаллаи Хоҷақалъаи ҷамоати деҳоти Ифтихори ноҳияи Абдураҳмони Ҷомӣ дар самти татбиқи Аксияи тарғиботӣ-амалии ҳизбӣ таҳти унвони «Якҷоя ҳал мекунем!» бо ҷалби васеъи сокинони маҳал, вакилони маҳаллӣ, аъзои намояндагии ТҶҶ «СозандагониВатан» дар сатҳи баланди ташкилӣ ва сиёсиву оммавӣ баргузор намуданд.
