ЁВОН. Бо мақсади амалӣ намудани ҷадвали баргузории суҳбату вохӯриҳо бахшида ба Соли рушди сайёҳӣ ва ҳунарҳои мардумӣ ва эълон гардидани Соли тақвияти робита бо маҳал аз ҷониби Кумитаи иҷроияи ҲХДТ дар вилояти Хатлон. дар доираи озмунҳои ҳизбӣ дар деҳаи Зарриндашти ҷамоати деҳоти ба номи Гулсара Юсуфова чорабинии сиёсию фарҳангӣ баргузор гардид.
Дар воқеъ эълон гардидани соли 2018, ҳамчун Соли рушди сайёҳӣ ва ҳунарҳои мардумӣ аз ҷониби Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон ҳар як зан, модари тоҷикро водор намуд, ки зан-модари тоҷик аз азал ҳунарманд буд ва ҳунарманд мемонад. Зеро мо фарҳангу асолати ҳазорсола дорем, ки маҳз тавассути фарзандони ҳунарманди хеш бунёд ва эҳё кардаем.
Чорабинии мазкур бо ташаббуси ташкилоти ибтидоии «Будинаобод» ташкил ва баргузор гардид.
Занону бонувони ҳунарманду чирадасти деҳаи Зарриндашт аз сиёсати пешгирифтаи Пешвои миллат муҳтарам Эмомалӣ Раҳмон дар бобати эълони Соли рушди сайёҳӣ ва ҳунарҳои мардумӣ аз нав эҳё намудани ҳунарҳои қадима хушнуду сарфароз буда, бо як ҳавасмандӣ ҳунарҳои хешро тақвият дода истодаанд.
