ВОСЕЪ. Дар Паёми худ Асосгузори сулҳу ваҳдати миллӣ, Пешвои миллат, Раиси муаззами ҲХДТ муҳтарам Эмомалӣ Раҳмон қайд карда буданд, ки «Ҳифз кардани арзишҳои фарҳангӣ ва бегазанд ба фардоиён расонидани онҳо вазифаи муқаддасу ватандӯстонаи ҳар як шаҳрванд мебошад».
Вобаста ба ин дар деҳаи Шобикаи ҷамоати деҳоти Тугарак бо иштироки раиси Кумитаи иҷроияи ҲХДТ дар ноҳияи Восеъ Сафарова Ҳафиза ва мутахассиси шуъбаи таблиғот, иттилоот ва матбуоти Кумитаи иҷроияи ҲХДТ дар ноҳияи Восеъ Ситамова Роҳила намоиши ҳунарҳои миллӣ баргузор гардид.
Масъулин бо ҷамъомадагон атрофи самтҳои афзалиятноки фаъолияти ҳизбӣ сухан карда, иброз намуданд, ки амалӣ намудани нуктаҳои асосии Паёми Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар ҳама самтҳои хоҷагии халқ метавонад мақоми кишварро дар арсаи байналхалқӣ боло барад ва сатҳу сифати зиндагии мардуми кишварро беҳтару хубтар гардонад. Мо низ ҷавобан ба ин ғамхориҳои Пешвои миллат дар якҷоягӣ барои ободиву осоиштагии Ватани азизамон саҳми худро мегузорем.
