ҲАМАДОНӢ. Бо мақсади таъсиси ташкилоти ибтидоии ҳизбӣ дар назди филиали «Бонки Эсхата» дар ноҳияи Мир Сайид Алии Ҳамадонӣ раиси Кумитаи иҷроияи ҲХДТ дар ноҳия Давлатҷон Ғаффорзода бо кормандони бонки мазкур вохӯрӣ гузаронид.
Зимни вохӯрӣ Давлатҷон Ғаффорзода дар бораи сиёсати хирадмандонаи Пешвои миллат, Президенти мамлакат, Раиси муаззами ҲХДТ муҳтарам Эмомалӣ Раҳмон дар соҳаи бонкдорӣ, тарзи дурусти хизматрасонии бонкӣ ба мизоҷон, эҳтироми пули миллӣ, фаъолонокӣ барои иштирок дар чорабиниҳои ҳизбӣ, дар амал татбиқ намудани ҳадафҳои созандаи ҲХДТ ва самтҳои афлаиятноки фаъолияти ҲХДТ андешаронӣ намуда, қайд кард, ки ҲХДТ ташкилоти ҷамъиятии сиёсӣ буда, бо роҳи иштирок дар ҳаёти сиёсии ҷомеа барои таҳкими давлати соҳибихтиёр, демократӣ, дунявӣ, иҷтимоӣ ва ягона, инчунин рушди устувори иқтисодӣ ва таблиғи зиндагии осоиштаи мардум фаъолият менамояд.
